गडहिंग्लज : काही संस्मरणीय क्षण

 दि.३ जानेवारी २०१६ रोजी होणाऱ्या " शिवशक्तीसंगम" या राष्ट्रीय स्वयंसेवक संघाच्या कार्यक्मासाठी १४-१७ नोव्हेंबर गडहिंग्लजमध्ये ( कोल्हापूर) विस्तारक होतो.




 समाजाच्या वेगवेगळ्या स्तरातील लोकांची भेट झाली. संघाच्या आवाहनाला प्रतिसाद देण्याची भूमिका दिसली.
        या विस्तारक काळातील अनुभव संघकामाची प्रेरणा आणखी बळकट करणारा होता.
       काही संस्मरणीय क्षण -
* एका घरी सकाळीसकाळी गेलो तेव्हा काकूंनी येऊन पटकन औक्षण केले.
* शिवसेनेच्या एका कार्यकर्त्याच्या घरी कै.बाळासाहेब ठाकरेंच्या स्मृतीदिनाच्या कार्यक्रमाला जाणे झाले.
* देवदासी प्रथेच्या निर्मूलनासाठी आयुष्यभर काम करणारे श्री. विठ्ठलराव बन्ने यांच्या घरी त्यांच्या मुलाशी भेट व चर्चा झाली. 
* नाईक समाजासाठी काम करणारे कार्यकर्ते श्री.शिवाजी नाईक यांची भेट झाली.संघकाम हे सर्व भेदांच्या पलिकडे जाणारे आहे व ते अजून वाढले पाहिजे असे ते तळमळीने सांगत होते.
* शिक्षणतज्ञ जे.पी.नाईक यांचे नातेवाईक प्रा.श्रीकांत नाईक यांची भेट झाली.ते दरवर्षी उत्तुर गावात १-७ जानेवारी या काळात व्याख्यानमाला चालवतात. गेली अनेक वर्षे ही व्याख्यानमाला चालू आहे.
* माध्यमिक शाळेत शिक्षक असणारे श्री.सुरेंद्र बांदेकर यांची भेट झाली. ते दर आठवड्यात विद्यार्थ्यांसाठी क्रमशः पुस्तकवाचन करतात.सध्या प्रकाशवाटा या पुस्तकाचे वाचन चालू आहे.हा उपक्रम त्यांच्या नियमित तासांच्या व्यतिरिक्त चालू आहे.
         पाडुनिया तट भेदांचे हिंदुत्व गर्जूनी उठले
         सामाजिक पुरूषार्थाचे युग संघाचे अवतरले     
                                      सुधीर गाडे

Comments

  1. Dr Ganesh PatilJanuary 8, 2022 at 9:29 AM

    खरंच शिव शक्ती संगम एक अवर्णनीय अनुभव होता. लोट्यातून जवळपास 40 जणांची टीम दक्षिण कोल्हापूर कक्षाच्या व्यवस्थेसाठी आली होती. म ए सो मुळे कोकण प्रांतात असूनही या अपूर्व सोहळ्याला सहभागी होण्याची संधी मिळाली.. माननीय संघचालक रवींद्र वंजारवाडकर यांचे शब्द आजही आठवतात .."व्यवस्था कोलमडली ती कार्यक्रम खऱ्या अर्थाने यशस्वी झाला असे समजावे !"आमच्यापैकी अनेकांसाठी अशा पद्धतीच्या संघाच्या कार्यक्रमाला उपस्थित राहण्याची ही पहिलीच वेळ होती .या कार्यक्रमाच्या निमित्ताने संघ शिस्त आणि नियोजनाचा एक वस्तुपाठ पुणे महानगराने घालून दिला. खऱ्या अर्थाने एक शिवधनुष्य उचलण्याचे धाडस स्थानिक कार्यकर्ते यांनी केले आणि ते यशस्वीपणे केले. नटवू नीज कर्तुत्वाने सारखे अवस्मरणीय वैयक्तिक गीत... पूजनीय मोहन जी ना प्रत्यक्ष ऐकण्याची संधी अशा अनेक आठवणी आहेत. मा.चंद्रकांत दादांनी कक्षाला दिलेली भेट.. व्यवस्थेच्या कार्यकर्त्यांशी केलेला सहज संवाद अनेकांना आजही आठवतो. 2018 मध्ये कोंकण प्रांत हिंदू चेतना संगम झाले पण तालुकास्तरावर रचना असल्यामुळे ती भव्यता अनुभवता नाही आली नाही. परंतु हिंदू चेतना संगम च्या निमित्ताने खेड तालुक्यातील प्रत्येक मंडला पर्यंत पोहोचण्यासाठी करावयाची योजना ,प्रवास, गणवेशाची उपलब्धता इत्यादी गोष्टींचा आनंद घेता आला.पुढे कोकण प्रांतात अनेक संघ परिचय वर्गामध्ये शिवशक्ती संगम चे सादरीकरण झाले ..!

    ReplyDelete
  2. Dr Ganesh PatilJanuary 8, 2022 at 9:51 AM

    शिवशक्ती संगम च्या साठी नोंदणी करण्यासाठी सहभागी होण्यासाठी केलेल्या आव्हानाला एका अध्यापकाने "आम्ही वेगळ्या विचाराचे आहोत .मग आम्ही नोंदणी नाही केली तरी चालेल का " अशी विचारणा देखील केली होती. स्वाभाविक सदर अध्यापकाने नोंदणी केली नाही.

    ReplyDelete

Post a Comment

Popular posts from this blog

सलग शिक्षणाचे महत्त्व किती?

Image
      " सर, दुसऱ्या एखाद्या पालकांनी परीक्षेचा पेपर बुडवून विश्वचषकाचा सामना बघायला जाण्याची परवानगी मुलाला दिली असती तर मी त्यांना  भेटायला बोलावले असते. पण मी तुम्हाला ओळखतो त्यामुळे बोलावले नाही." आमच्या शंतनूचे महाविद्यालयातील प्राध्यापक संदीप राठोड‌सर मला सांगत होते. झालं होतं असं की क्रिकेट विश्वचषकाच्या पुण्यातील ऑक्टोबर २०२३ मधील सामन्याची तिकिटे शंतनूने खटपट करून इंटरनेटवरून मिळवली होती. पण नंतर परीक्षांचे वेळापत्रक बदलले आणि शंतनूचा एक पेपर सामन्याच्या दिवशीच आला होता. तेव्हा पुढील प्रयत्नात हा पेपर सोडवायचा या बोलीवर मी शंतनूला सामना बघायची परवानगी दिली होती. त्यानंतर हे बोलणे झाले.              ( छायाचित्र इंटरनेटवरून साभार)               या प्रसंगाने मनात विचार आला की सलग शिक्षण होणं किती महत्त्वाचे आहे किंवा तेच महत्त्वाचे आहे का?       माझ्या स्वतःच्या जन्मदिनाकांची नोंद चुकीची झाल्याने मी सहा महिने आधीच शाळेत दाखल झालो. पण पहिल्या वर्षात अभ्यासाची गोडी लागलीच नाही. त्...
Read more

समासाच्या निमित्ताने...

Image
     काही महिन्यांपूर्वी इ.१२ वीच्या परीक्षेसाठी पर्यवेक्षक म्हणून काम करत होतो. काम करताना एक गोष्ट पुन्हा लक्षात आली की बरेच विद्यार्थी उत्तरपत्रिका मिळाली की पानांवर असलेल्या समासाशेजारी आणि पानाच्या कडेला वर खाली पेन्सिलने आखून उत्तर लिहिण्यासाठी चौकट तयार करत होते. काहीजण तर उजवीकडे जवळपास एक इंचाचा समास आखत होते.  खरं तर उत्तरपत्रिकेत छापलेला समास पुरेसा असतो. पण उत्तराच्या सजावटीसाठी कुणाच्यातरी डोक्यातून ही कल्पना निघाली आणि आता ती बरीच रूळली आहे. अशी चौकट असल्याने उत्तरपत्रिका दिसताना चांगली दिसते आणि तपासताना परीक्षकाकडून जास्त गुण मिळतात अशी समजूत बहुधा पसरली आहे. पण या सगळ्यात कागद किती वाया जातो हे मात्र लक्षात घेतले जात नाही. तसेच गुण देताना उत्तराचा आशयच लक्षात घेतला जातो. अगदी अपवादात्मक परिस्थितीत सजावट विचारात घेतली जाते. हे काही ध्यानात घेतले जात नाही. मध्यंतरी भारतरत्न डॉ बाबासाहेब आंबेडकर यांचे एक फार बोधप्रद वाक्य ऐकण्यात आले. ते म्हणतात, " आशयगर्भ लेखनाला सजावटीची गरज नसते." हे अर्थपूर्ण वाक्य खरे तर सर्वांनीच लक्षात ठेवले पाहिजे. हा महत्त्वाचा...
Read more

जगभर विस्तारलेल्या रा.स्व.संघाच्या कार्याची संक्षेपात ओळख

Image
            ' वरवर कितीही भेद दिसत असले तरी या आंतरिक एकता शक्तीवर जनमानसाचा विश्वास दृढ करत जाणे हे मूलभूत काम आहे असे संघ मानतो.' ' संघाने आपले सारे लक्ष पायाभूत सुविधा( इन्फ्रास्ट्रक्चर )वर म्हणजे व्यक्ती निर्माणावर केंद्रित केले आहे. व्यक्ती चांगली असेल तर कार्य चांगले होणारच.' 'संघटित समाजच सर्व प्रकारचे वैभव व सामर्थ्य प्राप्त करू शकतो हे सत्य ओळखून संघाने अध्यात्म ज्ञानाचे अधिष्ठान असलेल्या हिंदू समाजाला संघटित करण्याचे काम प्रारंभ केले.' संघाच्या म्हणजेच राष्ट्रीय स्वयंसेवक संघाच्या  कामाचे मर्म सांगणारी अशी अनेक वाक्ये संघाचे वरिष्ठ प्रचारक माधव विनायक उपाख्य मधुभाई कुलकर्णी यांनी लिहिलेल्या आणि भारतीय विचार साधना पुणे प्रकाशन यांनी प्रकाशित केलेल्या ४८ पानांच्या 'अथातो संघजिज्ञासा' या छोटेखानी पुस्तकात ठिकठिकाणी आढळतात.         केवळ भारत देशातच नव्हे तर संपूर्ण जगात संघाच्या कामाबद्दल प्रचंड उत्सुकता असल्याचे सध्याचे चित्र आहे. हितचिंतकांना संघाच्या विचारांचे, वाटचालीचे, कार्यविस्ताराचे,  कौतुक वाटते. त्याबद्दल नेमकेप...
Read more