साखरवाडी विद्यालय माध्यमिक विभाग ( भाग ३)

 स.रा.बोकील सर

बोकील सर आमच्या वर्गाला फक्त एकच वर्ष म्हणजे दहावीला इंग्लिश शिकवायला होते.त्या वर्षी शिकलेल्या कवितेतील "woods are lovely dark and deep but I have miles to go before I sleep" या ओळी अजूनही लक्षात आहेत.

सरांबाबतची एक वेगळी आठवण म्हणजे सरांनी बसवलेली स्नेहसंमेलनातील नाटके.एकूण सरांच्या शिकवण्यात दिसणारा वाचिक अभिनय( आवाजातील चढउतार) आणि मुद्राभिनय ( चेहऱ्यावरील हावभाव) त्यांनी बसवलेल्या नाटकांमध्येदेखील दिसून यायचा. तसेच नाटकाच्या उद्घोषणेच्या वेळी " सदानंद बोकील सादर करीत आहेत" अशी ओळदेखील दरवर्षी ऐकायला मिळायची.

एके वर्षी गणेशोत्सवात व्याख्यानमालेत एक परिसंवाद ठेवला होता.सरांचे वक्तृत्व त्यादिवशी ऐकायला मिळाले आणि त्यादिवशी त्यांनी आपल्या भाषणात वापरलेली " भयचकित नमावे तुज रमणी" ही ओळदेखील चांगलीच लक्षात राहिली.

२७ जुलै २०१९ ला सरांचे निधन झाले. सरांना आदरपूर्वक अभिवादन ..

फोटो सुनील बोकील यांच्या फेसबुक वॉल वरून

48