साखरवाडी विद्यालय माध्यमिक विभाग (भाग ६)

 निर्मला वसंत नरगुंदेबाई



माझ्या आठवणीप्रमाणे नरगुंदेबाई काही आमच्या वर्गाला शिकवायला नव्हत्या. पण शाळेत असताना मी राष्ट्रभाषा सभेच्या परीक्षा दरवर्षी दिल्या. त्यातल्या एका परीक्षेच्या तयारीसाठी त्यांनी आम्हाला शिकवल्याचं आठवतं. बाई अगदी खळखळून हसून शिकवायच्या. त्या परीक्षेच्यावेळी तोंडी परीक्षा देखील झाली.त्यावेळेला उत्तर देताना बरेच जण स्वतःबद्दल बोलताना "हम" म्हणायचे. मग बाई लगेच म्हणायच्या " आप पागल हो या राजा? ये दो लोगही खुद को हम बोल सकते हैं।"
बऱ्याच वर्षांनी नरगुंदेबाई पुण्यात साखरवाडी मित्रमंडळाच्या एका कार्यक्रमात भेटल्या. त्याच कार्यक्रमात एका साखरवाडीकरांचा महिलांच्या छातीच्या कर्करोगावर औषध शोधून काढलं यासाठी सत्कार झाला. तेव्हा बाईंच्या बोलण्यावरून समजलं की त्यांनादेखील हाच रोग झाला होता आणि शस्त्रक्रियेने छातीचा काही भाग देखील कापून टाकावा लागला होता.
बाईंचं ३ जानेवारी २०११ ला निधन झालं.त्यांचं कृतज्ञतापूर्वक स्मरण.!
फोटो तेजस्विनी नरगुंदे कुलकर्णी यांच्याकडून

14 Comments

Comments

Post a Comment

Popular posts from this blog

प्रयत्न कधीपर्यंत? यशस्वी होईपर्यंत !

Image
       'अजून लढाई संपलेली नाही कारण अजून मी जिंकलो नाही.' अशा प्रकारचे वाक्य अवचित कोठेतरी वाचायला मिळते आणि त्यातून लिहिणाऱ्याची जिद्द प्रकट होते.      ( महाविद्यालयाच्या कार्यक्रम प्रसंगी चहापानाच्या वेळी घेतलेले छायाचित्र सर्वात उजवीकडे श्री दिग्पाल लांजेकर , सोबत महाविद्यालयाचे पदाधिकारी)        हे वाक्य आठवायचे कारण म्हणजे नुकतेच सलग दोन दिवस शनिवार आणि रविवार आठ आणि नऊ फेब्रुवारी २०२५ या दोन दिवशी आमच्या म.ए.सो. आबासाहेब गरवारे महाविद्यालयात दोन सांस्कृतिक कार्यक्रम होते. त्यानिमित्ताने महाविद्यालयाच्या दोन माजी विद्यार्थ्यांच्या भेटी घडल्या. त्यांच्या आयुष्याचा प्रवास ऐकताना हे वाक्य त्यांनी खरे करून दाखवले हे लक्षात आले. त्यातील पहिला विद्यार्थी हा मराठी चित्रपट सृष्टीतील प्रसिद्ध लेखक दिग्दर्शक श्री. दिग्पाल पल लांजेकर हा होय! तर दुसरा विद्यार्थी भारतीय सैन्यामध्ये मेजर असणारा श्री. विशाल कटोच हा होय!  दिग्पाल यांच्याशी संघ स्वयंसेवक या नात्याने जवळचा संबंध आला. तर विशाल महाविद्यालयाच्या वसतिगृहात तीन वर्षे राहत होता. ...
Read more

पद्मश्री पुरस्कार जाहीर झाल्यानंतरची चैत्रामभाऊंची भेट

काही दिवस अतिशय आनंद देऊन जातात. त्यातलाच एक आजचा दिवस! बारीपाडा , जिल्हा धुळे येथील रहिवासी असलेले श्री. चैत्रामभाऊ पवार यांना नुकताच पद्मश्री पुरस्कार जाहीर झाला आहे. आज ते पुण्यामध्ये आले होते. हे निमित्त साधून आमच्या म.ए‌.सो.आबासाहेब गरवारे महाविद्यालयातर्फे त्यांचा सत्कार करण्यात आला. याप्रसंगी चैत्रामभाऊंची भेट झाली. त्यामुळे आजच्या दिवशी अतिशय आनंद झाला. ( आजचे छायाचित्र मध्यभागी श्री. चैत्रामभाऊ पवार, डावीकडे सावित्रीबाई फुले पुणे विद्यापीठाचे राज्यपाल नियुक्त व्यवस्थापन परिषदेचे मा. सदस्य श्री रवींद्र शिंगणापूरकर, चैत्रामभाऊंच्या उजवीकडे माझ्या पूर्वी धुळे जिल्ह्यात वनवासी कल्याण आश्रमाचे काम करणारे आमच्या महाविद्यालयातील श्री विनायक खाडे यांच्या शेजारी चैत्रामभाऊंचे सहकारी डॉ. सूर्यवंशी) १९९९ ते २००१ ही दोन वर्षे मी धुळे जिल्ह्यात संघाचा प्रचारक म्हणून काम करीत होतो. त्यावेळी वेगवेगळ्या निमित्ताने बारीपाड्याला काही वेळा जाणे झाले. त्यानिमित्ताने सुरुवातीला चैत्रामभाऊंची ओळख झाली आणि परिचय वाढला. तेव्हापासूनच त्यांच्या कामाची माहिती मला होती. दुर्गम डोंगरामध्ये वसलेले बारी...
Read more

यात्रा काशी प्रयागराज अयोध्येची

Image
     'काशीस जावे नित्य वदावे' ही श्रद्धाळू हिंदू समाजाची हजारो वर्षांपासूनची पद्धत आहे. भारतातील सर्व तीर्थक्षेत्रांमध्ये काशीचे स्थान अनन्यसाधारण आहे. यामुळे काशीला जाणे ही एक पवित्र गोष्ट आहे. यावेळी आमचे काशीला जायचे ठरले ते अयोध्या यात्रेमुळे‌. ५०० वर्षांच्या संघर्षानंतर अयोध्येत श्रीराम जन्मभूमीवर रामललाचे भव्य मंदिर पुन्हा उभे राहिले. २२ जानेवारी २०२४ ला प्राणप्रतिष्ठा करण्यात आली. त्यामुळे अयोध्येला जाऊन रामललाचे दर्शन घेण्याची ओढ होती. यापूर्वी २००७ मध्ये काशी प्रयागराज यात्रा घडली होती. पण त्यावेळी अयोध्येला जाता आले नव्हते. तो योग यावेळी आला. ४ नोव्हेंबर ते ९ नोव्हेंबर २०२४ या दिवसांत आमची ही यात्रा पार पडली.         माझे साडू आणि मी आमच्या दोघांच्या या कौटुंबिक यात्रेचे नियोजन आमचा भाचा कु. सिद्धांत उपासे याने केले होते. आता इंटरनेटवर बऱ्याच सुविधा उपलब्ध असल्याने फोनवरून सगळे नियोजन करता आले.        पुण्यातून निघाल्यावर पहिल्या दिवशी दुपारी प्रयागराजला पोचलो. पुण्यापेक्षा तिथे सूर्यास्त लवकर होत असल्याने हॉटेलमध्ये सामा...
Read more